Gewasbeskermingsprodukte

Waarom is dit vir ons belangrik?

Onkruiddoder

Ons gee om oor die ontwikkeling van doeltreffende onkruiddoders, want boere sukkel daarsonder. Ons weet byvoorbeeld hoe hard boere teen die onkruid wat hulle oes bedreig, moet baklei. Sonder die regte onkruiddoderbeskerming het hulle kort, swak plante: ’n swak oesgrondslag.

Onkruid kan boere ’n fortuin kos, oes bemoeilik en die opbrengs verminder. ’n Studie in opdrag van die voedsel-en-landbou-organisasie (VLO) het selfs kundiges verras. Dit het getoon dat onkruid elke jaar verliese van ongeveer 67 miljard euro veroorsaak. Die bedrag is moeilik om te begryp – maar as u dit gebruik het om blokke botter van 250 gram te koop en dit kop aan kop neersit, sal dit 135 keer om die wêreld gaan. Om verlammende verliese op hulle plaas te voorkom, verwelkom die meeste boere die idee van verantwoordelike onkruiddodergebruik.

Swamdoder

Bakterieë, virusse en swamme kan deel uitmaak van die natuur, maar dit maak hulle nie welkom nie. Hulle kan ons siek maak – en wat vir mense geld, geld ook vir plante. Ons swamdoders beskerm plante teen siektes sodat dit die beste moontlike opbrengs vir boere kan lewer.

Laat ’n oes onbehandel, en u sal dadelik verliese sien. ’n Wêreldwye studie het getoon dat as boere ophou om swamdoders te gebruik, hulle ongeveer tien persent meer grond nodig sal hê om dieselfde opbrengs koring, rog, gars, koolraap, suikerbeet en aartappels te lewer.

Maar waar sal daardie grond vandaan kom? Regoor die wêreld word grond skaars. Boere kan nie net ’n paar ekstra hektaar koop om verlore opbrengste in te haal nie. In vandag se wêreld is daar geen ander opsie nie: die meeste boere het swamdoders nodig.

Ons het hierdie produkte saam met boere ontwikkel om opbrengste te vergroot. (Terloops: ons bemark ook biologiese swamdoders waarvan die swamwerende werking in baie lande op uitgesoekte mikroörganismes gebaseer is.)

Vandag is biologiese swamdoders wêreldwyd deel van gewasbeskermingspraktyke. Dit gee boere ’n nuwe doeltreffende opsie, wat hulle in staat stel om hulle plaagbestrydingsmaatreëls te verander en die moontlike ontwikkeling van weerstand te voorkom. Hierdie produkte voldoen aan die beginsels van geïntegreerde plaagbestuur. Dit kan meermale en selfs kort voor die oes toegedien word. As sodanig is biologiese middels ’n belangrike instrument in volhoubare landbou.

Insekdoder

Ons is trots daarop dat ons produkte help om ’n groeiende wêreldbevolking te voed. Die bestryding van plae is een manier waarop boere die grootte van hulle opbrengs wat die mark bereik, kan vergroot. Dit is ’n praktyk met ’n lang en eerbare tradisie; Homerus beskryf die gebruik van swael om plante teen insekte te beskerm en Marco Polo berig dat die Chinese arseen vir dieselfde doel gebruik het.

Vandag weet ons dat vernietigde landerye nie noodwendig die grootste probleem is nie. Baie insekte dra ook plantsiektes oor, gewoonlik virus- of swamsiektes. Ander val koswinkels aan en veroorsaak skade nadat gewasse reeds geoes is.

Maar nie alle insekte is skadelik vir mense nie. Baie, soos die sluipwesp of liewenheersbesie, word as voordelig beskou omdat hulle peste vreet.

Ons moet die insekte wat ons help, beskerm terwyl ons ontslae raak van dié wat dit nie doen nie. Daarom ontwikkel ons by Bayer slegs insekdoders wat veilig is wanneer dit op ’n verantwoordelike en korrekte wyse gebruik word en wat geen gevaar vir die mens of die omgewing inhou nie. Ons bemark in baie lande ook biologiese insekdoders met mikroörganisme-gebaseerde insekdodende werking.

Vandag is biologiese insekdoders wêreldwyd deel van gewasbeskermingspraktyke. Dit gee boere ’n nuwe doeltreffende opsie, wat hulle in staat stel om hulle plaagbestrydingsmaatreëls te verander en die moontlike ontwikkeling van weerstand te voorkom. Hierdie produkte voldoen aan die beginsels van geïntegreerde plaagbestuur. Dit kan meermale en selfs kort voor die oes toegedien word. As sodanig is biologiese middels ’n belangrike instrument in volhoubare landbou.

SeedGrowth

Planttyd is van kritieke belang op enige plaas. Hoeveel van hierdie klein sade sal florerende plante wees? Vir boere wat geld en tyd daarin belê het, is dit uiters belangrik dat hulle sterk en gesond grootword.

Omvattende diensportefeulje:

Ongeag watter van Bayer se dienste u gekies het, u kan seker wees dat u voordeel sal trek uit ons kundigheid en passie vir saadbehandeling.

Klanteondersteuning, opleiding en probleemoplossing: Tien saadkweeksentrums regoor die wêreld en talle spesialiste ter plaatse of in die veld is daar om praktiese hulp aan u te verleen.
Toepassingstoerusting/tegnologieë: By Bayer ontwikkel ons klantspesifieke oplossings vir toedieningstegnologie en belê in die aanvanklike en verdere ontwikkeling van saadtoegepaste tegnologieë in noue samewerking met ons eie en derdepartytoerustingvervaardigers. Buitendien is ons eie spesialiste vir toediening en toerusting altyd beskikbaar om advies en ondersteuning ter plaatse te verskaf.
Kwaliteitsbeoordelings: Aangesien gehalte so ’n belangrike kwessie in saadbehandeling is, ontwikkel ons toetsmetodes vir sade; beoordeel ons die belading en dosis van aktiewe bestanddele, verspreiding van saad tot saad, vloeibaarheid en plantbaarheid; belê ons om stofbestuur- en bryresepte te verbeter en voer ons ontkiemings- en fisiologiese studies in die veld en in ons eie spesialislaboratoriums uit.
Ontwikkelingsondersteuning: Deur noue samewerking en interaksie met saadondernemings, saadbehandelaars, nywerhede en seminywerhede help ons om die ontwikkelingsprosesse te optimaliseer en die beste moontlike saadbehandelingsprodukte te produseer.
Deurlopende formuleringsontwikkeling: Ons deurlopende belegging in navorsing en ontwikkeling stel ons in staat om bestaande formulerings vir saadbehandeling gereeld te optimaliseer en om nuwes te ontwikkel om aan markvereistes te voldoen.
Rentmeesterskap: By Bayer neem ons die rentmeesterskapprobleem baie ernstig op deur middel van omgewingsprofiele, opleiding vir operateursveiligheid, sertifisering en kommunikasie. Een konkrete voorbeeld van hoe rentmeesterskap by Bayer beoefen word, is die suksesvolle poging om afstof te beperk deur die kleefbaarheid van filmbedekkings te verbeter (bv. deur verbeterde produkformulerings); deur toetse op aanwendingsapparatuur by ons afdeling vir gevorderde toerusting in Minneapolis, VSA; deur die beheer van stof gedurende aanplanting deur wysigings aan boorapparaat en deur operateurs, klante, saadondernemings en saadbehandelaars oor afstofprosedures te leer.

Voorbereiding van monsters vir gehaltebeheer van toediening aan saad
SeedGrowth 100 jaar-video

SeedGrowth Basiese video

SeedGrowth – SGR Coatings-video

Gewasbeskermingsprodukte

Waarom is dit vir ons belangrik?

Omvattende diensportefeulje:

SeedGrowth 100 jaar-video

SeedGrowth Basiese video

SeedGrowth – SGR Coatings-video

Produkte

Gewasse

Hulpbronne

Oor ons